Ibilbidea Wikiloc-en.
Zorionez elurra gustuko dugunontzat, kota itsas mailara
jaitsi da berriro. Beraz, zeharka eskiko ikastaroa espresa emateko momentu ezin hobea da. Adituen hitzak
entzun ondoren, Buetraitz, Eguzki muino eta Aralar baztertzen ditugu eta Saioa
mendira zuzentzen gara.
Berandu xamar da iristen garenerako eta Artesiagako parkina kotxez gainezka dago. Bertan elur palarekin
kotxeari lekua egitea tokatu zaigu azkenean.
Ordulariari
begiratzean, zeharka eskirako ain garrantzitsuak diren segurtasunaren inguruko
azalpenak baztertzen ditut (arva, pala eta sonda) eta pragmatismoari eutsiz
materialean eta teknikan zentratu naiz: eskiak, botak, fokak eta makilak.
 |
| Pistatik gora |
Behin oinarrizkoena
azalduta, materiala janzten dugu eta pistatik gora zuzentzen gara. Une batean,
pista ezkerrera utzita gora zuzenduko gara “giro maria” praktikatzera. Ikasten ari
garela, zeharka eskirako ain funtsezkoa den bira trabatzeko joera izan oi du.
Behin eta berriro errepikatuz, azkenean teknika leuntzea lortuko dugu.
 |
| Inguru zoragarria! |
 |
| Giro maría! |
Biraz-bira eta
pausoz-pauso, altuera irabazten goaz azkenik Saioa gailurrera iristen garen
arte. Denbora azkar pasa zaigu, baina eguerdia pasata egon arren inguruko
gailurrak eta mendiak oraindik elurraz estalita daude. Aurre-Pirinioen ikuspegi
zoragarria dugu bertatik.
 |
| Gailurra |
Gailurraz gozatu
ondoren, fokak kendu, eskiak blokeatu eta botak finkatzen ditugu eta aldapan
behera zuzentzen gara. Igoera zaila iruditu bazaigu, ez dezagun ezer esan
jaitsierari buruz…
 |
| Jaitsieraren hasiera, oraindik elurra jan gabe... |
Eguardia pasata,
degoen elur piloak hezetasuna irabazi du eta astunagoa bilakatu da. Honek egin
beharreko birak asko zailtzen ditu eta bakoitzak sekulako ahaleginak eskatzen
dizkigu. Ezagutzen dugun edozein teknikari eusten diogu poliki-poliki eta
biraz-bira kotxera gerturatzeko.
Ondo etorriko
litzaiguke Gipuzkoako Mendi Federakuntzak ematen duen “Elur guztietan jaisteko
teknikak” ikastaroa…
Azkenik, esfortzu
handien ostean (eta erorketaren bat tartean izanda ere), kotxera eramango gaituen
pistara iristen gara. Hemendik aurrera, kotxea aparkatuta dagoen leporaino zailtasunik
gabe jaitsiko gara.
Orain zeharka eskian hasieratuta gaudela esango nuke nik! Ikasgai gogorra barneratu dugu gaurkoan, ea hurrengoan hobeto ateratzen zaigun!
Iruzkinak
Argitaratu iruzkina