Udalerriko itxiera perimetralari alde positiboa ere atera behar zaio. Oraingo kasuan, Donostia inguratzen duten Carlisten eta Liberalen gotorlekuei bixita egingo diegu oinez. Gotorleku hauek, laugarren gudu bat ekiditeko eraiki ziren.
- Ariketa: Paseo utsa
- Zailtasuna: Erraza
- Bidea jarraitzea: Erraza
- Luzera: 22km
- Denbora: 5h
- Irabazitako altuera metatua: 940m
- Track-a
- Erdaraz
Polloen elkartuko gara lagun guztiak, eta aldapa gora eginez, hegoalderantz, Ametzagaina parkera iritsiko gara. Izen bera duen gotorlekua izango da ikusiko dugun lehenengoa (1875 urtean eraikia).
 |
| Ametzagaina gotorlekua, 1875 urtean amaitua. |
Hegoalderantz jarraituz, Garbera igaroko dugu kasu handirik egin gabe eta Lauaizeta pasealekuan kilometro batzuk eginaz, Txoritokieta eta San Markos gotorlekuak banatzen dituen bidegurutzera iritsiko gara.
Lehenik eta behin, Txoritokietara igoko gara, eskuinera eginez. Gailurretik, Donostia inguruko ikuskizuna argi ikusteko gai izango gara. Ederra benetan. 1890 urtean ireki zen eta 318 metroko altueran eraikita dago. Ibilbideko gotorlekurik altuena.
 |
| Txoritokieta gotorlekuko kuartela, 1890 urtean amaitua. |
 |
| Txoriotiketako gotorlekuko ateak, 1890 urtean amaitua. |
Igo dugun bide berdina erabiliko dugu jaisteko, eta berriro bidegurutzera iritsiko gara. Hemen eskuinera joko dugu San Markos mendira igotzeko. Gotorlekua itxita dago orain COVIDaren erruz, eta ezingo gara barrura sartu. 1888 urtean amaitu zuten eta ibilbideko gotorlekurik haundiena da.
 |
| San Markos-era sarrera, 1888 urtean eraikia. |
Zentzua guztiz aldatu eta iparraldera joango gara orain, Kutarro izeneko bateria txikia bixitatzera. Hemendik, irudimenezko linea zuzena marraztuko dugu Ulia mendian dagoen Herri Ametsa ikastolarekin eta Beraunerako zentzuan jaitsiko gara behera.
 |
| Kutarro bateria txikia. |
 | |
| Kutarro bateria barruko eraikin zaharrak eta eserleku berriak. |
Gero, Altzaruntz zuzenduko gara N-1 errepidea azpitik pasata. Gero Herreratik pasako gara, Bidebieta zeharkatu baino lehen ikastolara igotzeko Julio Urkixo pasealekuko 34 portalaren altueratik ateratzen den Guardaplata Bidea jarraituz.
Behin mendian goran gaudela, eskuinera egingo dugu itsasoari begira, Mendiola mendira igotzeko, Almirante gotorlekua bistaratzeko. Orain arte ikusi ditugunen artean, hau izango da egoera txarrenean dagoena. 1875 urtean eraiki zen.
 |
| Naturak poliki 1875. urtean amaitutako Almirante gotorlekua irensten du. |
Hau amaiketakoa egiteko leku aproposa da, haizeak zakar jotzen ez badu.
Amaitzean, mendebaldera joango gara, Ulia alde batetik bestera zeharkatzeko intentzioarekin. Uliako gailurrera iristean, lehe tiro al plato egiteko erabiltzen zen zelaira iritsiko gara. Hortik, Uliako parkinera jaitsi eta atzean dagoen mendixkara igoko gara. Hemen, Uliako tren geltoki zaharraren aztarnak aurkituko ditugu. Aldiz, ez dugu aurkituko gailurrera igotzen zen teleferikoaren aztarnarik (egurrez egindako baitzen). Trena ategorrietatik ateratzen zen eta 1900. urtean inguruko aristokraziak Uliako gailurrera igotzeko erabiltzen zituen bi garraio hauek.
 |
| Uliako goiko tren geldtokiko eraikin nagusiaren zimentuak. |
 |
| Uliako goiko tren geltokiko eraikin zaharra. |
 |
| Uliako beheko tren geltokia, Bordatxiki 5 kalean, Ategorrieta auzoan. |
Mendebaldera eginez, trenak lehen jarraitzen zuen bidetik jaitsiko gara poliki-poliki Ategorrietaraino. Bidean, begiratoki zoragarriak aurkituko ditugu Donostia zentroko auzo anitzeia begiratzeko. Ederra ikuspegia dudarik pe.
 |
| Donostiako ikuspegi zoragarria. |
Iruzkinak
Argitaratu iruzkina