Aurtengo gabonak ere, arruntak ezezik, denetik izan dira. Hasieran arriskua txikitzeko lagunarteko kontaktuak murriztu genituen, gero gertuko kontaktuak bilakatu ginen eta amaitzeko positibo izan ginen. Ia inor ikusteko aukerarik izan ez genuen izan eta gainera gero etxean sartuta gelditu behar izan ginen zazpi egunez. Lanera itzuli baino lehen, burua argitzeko bi eguneko plana egitea erabaki nuen. Aspaldi egiteko nuen zeharkaldi bat: Pirinioetara oinez iristea Euskal Herriko ibaien arteko ur-mugak jarraituta.
 |
| Ilunabarra. |
Pirinioetara jarraian iristea zaila iruditzen zaidanez, ibilbide osoa zatitan banatuko dut. Lehenengo bi egunetan Adi mendira iritsi beharko nintzateke, aurrerago, beste bi egunetan, Ani-ra heltzeko.
Lehen eguna: Urnieta – Adarra – Leitza – Leuntze (Ireber)
Lehen egunaren track-a Wikilock-en
Goizeko lehenengo trenak Urnietan
utziko gaitu gaua gainean dugun bitartean (6:50; 32m). Hilerriko maldan gora
azkar berotzen hasiko gara eta gero errepidea jarraituz Besabira iritsiko gara
(7:45; 300m). Gelditu gabe gora egingo dugu goizeko 8:40etan Adarrako
gailurrera iritsi arte (817m). Aspaldi ez nintzela hona gora igotzen.
Eguzkia atera da honezkero eta Donostialdeko izugarrizko bistak izango ditugu gailurretik. Gabonetan izan dugun antizikloiari esker ez dugu hodeirik izango inguruetan. Hegoaldera begira egunean igoko ditugun gailur gehienak ikus ditzazkegu. Bide luzea dago oraindik Piriniotara iristeko…
 |
| Donostia Adarra gailurretik. |
Hemendik 400 metro behera egin beharko dugu (Leizalarreako izeietara) erremediorik gabe mendizerra amaitu egiten delako eta gero Eguzkiko Muinora igo beharko dugu (14:45, 1083m).
 |
| Eguzkiko muinoa. |
Berriro behera egingo dugu 300 metro Ezkurrako mendatera (13:25, 740m) gero berriro gora egiteko haize-erroten mendizerrarantz. Lehenengo Artxulo (954m) mendia igoko dugu eta gero Ekan gailurra eskuinetik inguratuta, azkenik, haize-errotetara iritsiko gara.
Eguna amaitzear dago eta eguzkiak Aizkorri-Aratz mendizerraren atzean izkutatzeko intentzioa dauka. Hegoalderuntz jarraitzen dut eta Leuntze menditik jaisterakoan (18:05; 1195m), harrizko txabola bat aurkitzen dut. Bizkarrean kanpin denda daramat lo egiteko, baina gauean eta bihar egun osoan egingo duen eguraldi kaxkarra ezagututa, hobe etxetxo baten barruan lo egiten bada.
 |
| Gauerako aterpe aproposa. |
Ordu batez egurra pilatu eta sua prestatzen dut sutondoan goxo afaltzeko. Urarik ez dago inguruan, eta ez dugu ibilbide osoan izango. Hori da ur-muga jarraitzearen eragozpena. Zorionez, euskadiko mendi gailurretan elurra gelditzen da oraindik, eta urtuz, gaurko afaria eta bihar edateko afaria prestatuko dut.
 |
| Oinak berotuta, prest ohean joateko. |
Bigarren eguna: Leuntze (Ireber) – Gorostieta lepoa – Soratxipi – Oitz
Bigarren egunaren track-a Wikiloc-en.
Gaueko hiruretan txabolaren
leihoen kontra jotzen duen euriak esnatzen nau. Kanpoan sekulako ekaitza dabil.
Eskerrak etxola hau aurkitu dudala lehor lo egiteko… ez dakit kanpin dendak
hainbesteko euria jasango zuenik.
Goizeko seiak aldera esnatu eta gosaria hartzen dut. Eguzkia oraindik atera gabe dago eta euria barra-barra ari du kanpoan. Material guztia plastikozko poltsetan sartu, kapa ginetik jarri eta aterpetik ateratzen naiz eguneko ibilbidea egiteko asmoz. Adira iristea zaila suertatzen zait horrelako eguraldiarekin… zorte ona izango dut Saioara iristen banaiz…
 |
| Euritan dantzan. |
Oinez hasi naizenetik euriak ez du
atsedenik hartu. Pare bat ordutan blai eginda nago. Bide guztiak ibai bihurtu
dira eta haizeak gogor jotzen du noizbehinka Donostian hain bereizgarria den
“euri-horizontala” sortuz.
Eguna hasi denetik gailurrak saihesten ari naiz. Beraz ez nabil zehatz-mehatz ur-mugaren gainetik. Gorostietako gainera iristean (8,20km, 9:40, 760m), Saioa mendira ere ez naizela iritsiko konturatu naiz eta B plana pentsatzen dut: Doneztebera jaitsiko naiz han autobusa hartzeko.
Otedegi menditik jaitsita (9,77km, 10:15, 849m), beste etxola bat aurkitu dut. Hau ere hormigoizkoa eta ondo zaindua, gaua pasatzeko aproposa. Hemendik aurrera, zuhaitzak desagertu egiten dira eta euriak eta haizeak gogor astinduko naute hurrengo gailurretan: Eragorri, Soratxipi eta Erronealekua.
 |
| Leurtzako urmaela. |
Gero behera egingo dugu, Leurtzako
urmaelak zeharkatuta Oitz herrira iristeko. Azkeneko kilometroak errepidez egingo
ditut, baina ez dit axola. Amaitzeko, Doneztebeko Santamaria jatetxean bazkaldu
eta etxera itzuli nintzen lanerako pilak guztiz kargatuta.
Hurrengoan, hemendik hais beharko
naiz Piriniotara iristen saiatzeko.
Esker bereziak Ainhoari, nire bila
Donestebera etorri zelako.
Iruzkinak
Argitaratu iruzkina