Hiru
Haundien ibilbidea guztiz ezagutzeko intentzioz, gelditzen zaidan
hirugarren herena egitera atera naiz eguzkitxu esnatu den igande
honetan. Landako jatetxetik aterako naiz, Elgeta zeharkatuko dut eta
Urbiako larreetan barrena sartuko naiz Azkorri garaiera iritsi arte.
Gero ziztu bizian jaitsiko naiz Araiaraino.
Goizeko
6ak inguru, autokarabanaz gainezka egiten du landako parkinak. Inor
ez esnatzeko intentzioarekin, urruti aparkatu dut kotxea. Gaurkoan,
bi gazta tortilla bokata ekarri ditut eta bi barrita eta bi gel
soilik. Camelbak guztiz beteta aterako naiz ez baitut urik aurkitzea
espero egun osoan. Agian Urbiako bentatan…
Gora
hasten naiz, errepidearen beste aldetik ateratzen den bidexka batetik
(gero etxean, HHaren ibilbidea beste leku batetik ateratzen dela
ikusiko dut). Elgetara iritsi baino lehen, gailur txikitxo batzuen
artean gora eta behera ibiltzera behartuko gaitu bideak. Askotan
pista bihurtuta, era deserosoan kilometroak poliki irabazten joango
gara.
 |
| Gasteiz |
Tarte
honetan Galbarrain, Troke eta Usako Atxa (7:40; 912m) mendiak igoko
ditugu. Gero behera egingo dugu oso aldapatsua den jaitsiera batetik
eta Arkamo eta Albiturri inguratuz, Urkitzako lepora iritsiko gara
erraz. Urrutian, Elgetako haize errotak ikusiko ditugu.
 |
| Arriurdinetik egunsentia |
Urkitza
pasa eta Arriurdineko antenetara igoko gara. Ikuspegi irekia dauka
mendi honek eta 360ºko bistak eskeiniko dizkigo. Makatzgain (8:31;
996m) da haize errotak baino lehen egingo dugun azken mendia. 1000
metroetatik oso gertu gaude orain. Bi pertsona bata bestearen gainean
jarri ezkero gailurreko erpin geodesikoan, goikoa 1000 metrotara
iritsiko litzateke.
 |
| Goizean-goizeko lahinoak |
Aldapa
luze batek lehenengo haize errotara igotzen gaitu. Hemendik, denak
elkartzen dituen pista jarraituz, lehenengoti 78 garrenera iritsiko
gara. Gutxi gora-behera, 2 ordu hartuko digu. Tarte honetan
Mugarriluze (8:58; 1111m), Mentazpi, Aumategi (9:24; 1192m),
Burgamendi, Sekillaga, Gaboñu/Artia, Keixtui Gana eta Larrangoiti
(10:34; 1126m) gailurrak igoko ditugu, denak 1000 metrotik gorakoak.
 |
| Erraldoiak haizearen aurka |
Behin
azken molinoa pasata, daukadan azken bokata hartu eta aurrera
jarraitu dut orain basatiagoak diren bideetatik. Hiru gailur gehiago
egin eta hurrengo mendiak inguratzen hasiko gara, Urbiara bidean,
beti ezkerreruntz, Urbiara doan pistarekin aurkitu arte. Hemendik
atzera bidean egingo dugu eskuinera doan pista bat aurkitu arte,
benterara iritsi baino lehen. Hemen, Aizkorriko bide normala hartuko
dugu, karst
lehun eta irristakorretik gora egiten duena poliki, Aizkorriko
gailurrera iritsi arte (12:16; 1528m).
 |
| Aizkorri gailurretik panoramikoa |
Jaitsiera
maldan behera hasiko dugu, ekialderantz beti. Tontorraundira iritsi
baino lehen, eskuinera biratuko dugu behera jarraitzeko,
hegoalderantz. Bidea zeharo ona da abiadura handiarekin jaisteko.
Karsta,
batzuetan ageri bada ere, orokorrean humusa da garaile, eta bidea
lisatzeaz gainera, belaunentzako biguntze efektua egiten du ere.
Leizararteraino, ziztu bizian jaitsiko gara. Hemen, Arboligaina
mendia iparraldetik inguratuko dugu, eta bideak gora egiteaz gain,
lokatzez beteta dago eta erritmoa jaistera behartuko gaitu.
Azkasaroieko
belardira iristean, borda handia eskiunera utzita, gutxi faltako
zaigu Iturriotzeko iturrira iristeko, eta gero San Miguel haitzaren
magalera. Amaitzeko, meategi zaharren orgak igotzen ziren malda
izango da Araia herriarekin elkartuko gaituen azken jaitsiera.
Iruzkinak
Argitaratu iruzkina